سبب زيادة فترة انقطاع الكهرباء من ساعة إلى ساعتين.. عمرو أديب يكشف رد الوزارة
طالب الإعلامي عمرو أديب، الحكومة بكشف سبب زيادة فترة انقطاع الكهرباء من ساعة إلى ساعتين يوميًا خلال الأيام الماضية.
وقال «أديب»، في تعليق خلال برنامج «الحكاية» المعروض على «إم بي سي مصر»، مساء الجمعة، إن
«النور بيتقطع دلوقتي ساعتين، أنا عايز حد يقولنا ايه الحكاية وايه الموضوع؟
هل انقطاع الكهربا مستمر؟ يعني هو ملوش علاقة بارتفاع درجة الحرارة أو قولولنا الحقيقة، هل لسه الموضوع متحلش وقدامكم شهر كمان؟!».
وأوضح: «الحكومة قالت قدامكم لغاية 15 سبتمبر بالكتير، دلوقتي إحنا ملاحظين حاجة في التلات أربع أيام اللي فاتوا، النور مبيتقطعش في المواعيد اللي قالوا عليها، والأهم أنه بقى بيقطع ساعتين مش ساعة».
وأضاف: الأزمة الاقتصادية لها آثار جانبية إحنا معندناش حاجة فنية، لكن مفيش مازوت
زي ما يكون عندك عربية رولز رويس بس معندكش بنزين إحنا داخلين على مدارس قولونا إيه الموضوع.
كما أشار أديب إلى أنه تواصل مع مسؤولي وزارة الكهرباء لسؤالهم عن سبب استمرار انقطاع الكهرباء
فكان ردهم: «مجلس الوزراء بس هو اللي هيتكلم»
متوقعا أن أزمة انقطاع الكهرباء لن تنتهي خلال الأيام المقبلة.
كما طالب مجلس الوزراء بكشف تفاصيل الوضع للمواطن، متابعًا: «مش عايزين طبطبة، عايزين الحقيقة، الشعب ده جدعان أوي، قولولنا إيه المشكلة؟!».
